Емануел Макрон „остро ја осудува одлуката на Русија да води војна против Украина“, тој разговараше со неговиот украински колега Володимир Зеленски и ја повтори поддршката на Франција за Украина и истовремено свика состанок на Советот за одбрана на Франција и самит на ЕУ, јави дописникот на МИА.
-Франција силно ја осудува одлуката на Русија да води војна против Украина, напиша Емануел Макрон на Твитер.
-Русија мора веднаш да ги прекине своите воени операции. Франција се солидаризира со Украина. Таа е сосо Украинците и работи со своите партнери и сојузници за да се стави крај на војната.
Шефот на француската држава утрово во 8 часот телефонски разговарал со украинскиот претседател, посочува Елисејсската палата. Володимир Зеленски повика на повеќекратни интервенции за поддршка на Украина и Европската унија да остане обединета.