Ирак до крајот на декември ќе објави целосно ослободување од џихадистичката група Исламска држава, кажа денес францускиот претседател Емануел Макрон.
Тој ова го соопшти за време на заедничката прес-конференција со катарскиот емир Тамим бин Хамад Ал-Тани.
– Ќе дојде до ослободување пред крајот на годината и ние, се надевам, ќе постигнеме воена победа во ирачко-сириската зона, изјави тој за новинарите.
Претходно Макрон ги посети американските воздушни сили во Ал-Удеид во Катар, каде што се сретна со францускиот контингент и разговараше со американскат авоена команда.
Ал-Удеид, најголемата американска воздухопловна база во регионот, игра клучна улога во борбата на САД против Исламската држава и место од каде што се даваат наредби за воздушните кампањи против џихадистите.