Исламска држава во Сирија ќе биде поразена до средината на февруари следанта година, а претседателот Башар ал Асад не може да се игнорира, но еден ден ќе одговара за своите злосторства, смета францускиот претседател Емануел Макрон.
Тој потсети дека ирачките власти соопштија дека ИД е поразена.
– Мислам дека до средината на февруари ќе победиме во Сирија. Башар Асад ќе биде таму, истакна Макрон, нагласувајќи дека „не може да се разговара со претставниците на Асад“.
Тој е дециден дека Асад и неговите претставници мора да одговараат за своите злосторства пред сирискиот народ и меѓународните правосудни институции.