Францускиот претседател Емануел Макрон денеска го пречека неговиот руски колега Владимир Путин во Версајскиот дворец, каде двајцата ќе разговараат за надворешнополитички теми, јави ТАСС.
Ова е прва средба на Путин со новоизбраниот француски претседател, откако тој стапи на функција.
Пред почетокот на средбата во дворецот се одржа церемонија за пречек на рускиот претседател.
По средбата двајцата претседатели ќе одржат заедничка прес-конференција.
Путин и Макрон, исто така ќе го посетат и дворецот Голем Трианон, што се наоѓа во паркот на Версај, со цел да ја разгледаат изложбата за 300-годишнината од патувањето на Петар Први до Франција.