Белорускиот претседател Александар Лукашенко оцени дека Белорусија нема пријатели во светот.
– Обрнете внимание на мојата фраза: немаме пријатели во светот, беше цитиран шефот на белоруската држава на официјалната веб-страница на претседателот.
Зборувајќи за социо-политичката состојба во земјата, Лукашенко истакна дека „има многу да се каже, но тоа ќе се случи со време“. – А нијансите не се за сега, додаде тој.
Коментирајќи ја изјавата на Лукашенко, портпаролот на Кремљ Дмитриј Песков ги истакна тесните врски меѓу двете земји.
– Ние одиме со премиса дека ваквата изјава тешко дека може да се однесува на Русија, изјави портпаролот пред новинарите откога од него беше побаран коментар.
– Русија и Белорусија се дел од Сојузот Русија-Белорусија (Сојузна држава Русија и Белорусија – конфедерален ентитет), повтори Песков.
– И ние сме повеќе браќа отколку пријатели, потенцираше Песков.