Полицијата во Лос Анџелес приведе двајца ученици во предградието Јужна Пасадена, поради сомнеж дека планирале масовна пукотница во средното училиште, во кое што учеле.
Како што пренесе „Ројтерс“, официјални лица од училиштето, кое го посетуваат 1.500 ученици ја алармирале полицијата, по што е направен претрес во куќите на двајцата тинејџери, кои што се осомничени дека планирале да пукаат во тројца наставници и голем број ученици.
-Пронајдени се доволно докази и врз основа на тоа двајцата ученици се уапсени- стои во соопштението, во кое се додава дека едниот од нив е приведен без проблеми, додека другиот давал отпор во тек на апсењето.
Е. Г.