Премиерот на Либан, Тамам Салјам во синоќешното обраќање пред Генералното собрание на Обединетите нации истакна дека земјата е под „жестока терористичка закана“ и побара помош.
– Либан е цврсто решен да не попушти пред притисокот на екстремистите од Исламска држава, посочи либанскиот премиер.
ИД во август зазеде град на границата со Сирија. Тие држаат околу 20 либански војници и полицајци како заложници, а тројца веќе се егзекутирани.
Салјам истакна дека и бројот на сириски бегалци во Либан е еднаков на една третина од населението во земјата.
– Тоа е национална катастрофа, посочи Салјам.