Либанската армија денеска соопшти дека ја прекинува офанзивата против џихадистичката група „Исламска држава” во планинскиот регион на границата со Сирија, за да преговара за ослободување на нејзини војници, кои ИД ги држи како заробеници од 2014 година.
Едностраниот прекин на огнот влезе во сила во 7 часот по локално време. Тоа ќе го отвори патот за последната фаза од преговорите за судбината на заробените војници, се посочува во соопштение на командата на армијата.
Девет либански војници се наоѓаат во рацете на ИД, која во август 2014 година го зазеде пограничниот град Арсал и зароби 30 либански војници и полицајци.