Научниците на австралискиот Институт за медицински истражувања, по 20 години истражување утврдиле дека инсулинот на молекуларно ниво се врзува за рецепторите на клетките на пациентите, поттикнувајќи го издвојувањето на гликозата од крвотокот, за таа да се складира како извор на енергија.
Истражувачите истакнуваат дека со тоа се отвора пат за развој на нови, поефикасни од досегашните, лекови против дијабетес (шеќерна болест). Тоа би можело да биде инсулин кој не е потребно да се дава интрамускуларно или, пак, таквиот би имал понапредни својства или подолго дејство, па не би било неопходно да се зема толку често како досега.
Се проценува дека денес во светот има 347 милиони дијабетичари, а нивниот борј се зголемува особено во земјите во развој, поради зачестената дебелина и физичка неактивност.