Русија инсистира на пакет договори за траен и одржлив мир во Украина со безбедносни гаранции за сите страни, изјави денес рускиот министер за надворешни работи Сергеј Лавров.
„Инсистираме на постигнување пакет договори за силен, одржлив, долгорочен мир со безбедносни гаранции за сите вклучени земји. И нашите преговори со претседателот на САД (Доналд Трамп) и неговиот тим се посветени токму на тоа, на наоѓање долгорочно решение за решавање на основните причини за оваа криза“, рече тој на амбасадорската тркалезна маса за решавање на ситуацијата околу Украина, објави РИА Новости.
Според него, во моментов има многу шпекулации, измислици и лаги околу решавањето на украинскиот конфликт.
„Главната цел на ваквите акции… е да се отежни наоѓањето договорено решение и да се продолжи конфликтот, вклучително и со играње против иницијативите на Соединетите Американски Држави и претседателот (Доналд) Трамп, кои се навистина насочени кон наоѓање решение што ќе помогне во елиминирањето на основните причини за украинската криза“, нагласи Лавров.
Како што истакна тој, никој во Европа воопшто не зборува за потребата од решавање на причините за украинската криза – тие сакаат само прекин на огнот и одмор.
„Западна Европа, како што може да се види од изјавата на официјалниот претставник на германската влада, размислува само за прекин на огнот, зема одмор и повторно го подготвува (украинскиот претседател Володимир) Зеленски и неговиот режим за војна против Руската Федерација“, објасни Лавров, пренесува Спутник.
Според него, на сегашниот американски лидер треба да му се оддаде признание – по враќањето во Белата куќа, тој навистина сериозно се осврна на ова прашање.
„Според наше мислење, тој искрено се обидува да придонесе за надминување на украинскиот конфликт преку политички и дипломатски методи“, додаде Лавров.
Режимот во Киев, нагласи тој, е заглавен во корупција и се претвори во организирана криминална група.
Минатата недела, Путин ги прими специјалниот претседателски претставник на САД, Стив Виткоф, и зетот на Трамп, Џаред Кушнер, во Кремљ.
Двете страни поминаа околу пет часа дискутирајќи за суштината на мировната иницијатива на САД, но сè уште не е постигнат компромис.