Рускиот министер за надворешни работи Сергеј Лавров денес изјави дека нападот на Израел врз Катар води кон понатамошна дестабилизација на ситуацијата на Блискиот Исток.
„Веста за оваа акција ја примивме со длабока загриженост. Сметаме дека е грубо кршење на меѓународното право, првенствено на Повелбата на ОН, како посегнување по суверенитетот и територијалниот интегритет на независна држава, чекор што води кон понатамошна дестабилизација на ситуацијата на Блискиот Исток“, рече Лавров на состанокот на Стратешкиот дијалог на Советот за соработка на Русија и земјите од Заливот, пренесува Интерфакс.
Оценувајќи дека „ваквите акции сигурно заслужуваат најсилна осуда“, Лавров додаде дека на денешниот состанок ќе бидат развиени заеднички чекори за да се минимизираат негативните последици од оваа акција за регионот.