Лавров ја напушти седницата на Г-20 додека пред учесниците зборуваше шефицата на германската дипломатија Аналена Бербок

Од:

Шефот на руската дипломатија Сергеј Лавров го напушти министерскиот состанок на Групата Г-20 додека германската министерка за надворешни работи Аналена Бербок од говорницата ја критикуваше Москва заради војната во Украина.

dobivaj vesti na viber

Министрите за надворешни работи на државите-членки на групата Г-20 на состанокот што се одржува на островот Бали демонстрираа длабоки несогласувања по однос војната во Украина, како и за глобалните последици од тој судир.

На состанокот на кој првпат од почетокот на руската инвазија врз Украина на исто место беа Лавров и американскиот државен секретар Ентони Блинкен, домаќинот Индонезија упати емитивен апел за единство и окончување на војната.

Индонезиската министерка за надворешни работи Ретно Марсуди ги повика учесниците, меѓу кои и шефот на кинеската дипломатија Ванг Ји, да ја надминат меѓусебната недоверба заради планетарните предизвици, од пандемијата на коронавирусот, преку климатските промени до војната во Украина.

Таа посочи дека сиромашните и земјите во развој се соочуваат со недостиг на гориво и жито како последица на војната во Украина, нагласувајќи ја одговорноста на Групата Г-20 за сериозен пристап кон предизвиците.

Независно таквиот апел, впечатоците од собирот се дека е невозможно постигнување консензус во мигови на длабоки поделби меѓу Истокот и Западот, со Кина и Русија на една и САД и Европа на друга страна.

Агенциите објавуваат дека Лавров и Блинкен не покажале било каков интерес еден за друг и воопшто не планираат средба.

Лавров кој веднаш после обраќањето ја напушти салата, а набргу и состанокот, изјави дека Русите не тие „кои ги прекинале сите контакти туку САД“.

„Тоа е се што можам да кажам. И не трчаме по било кој што ќе закаже состаноци. Доколку сакаат да зборуваат, тоа е нивен избор“, рече шефот на руската дипломатија.

Блинкен набргу потоа директно ја обвини Москва дека блокира милиони тони жито во украинските пристаништа и со тоа предизвикува недостиг од храна во големи делови на светот.

„Порака до нашите руски колеги: Украина не е ваша земја. Нејзиното жито не е ваше. Зошто ги блокирате пристаништата? Треба да дозволите излез за житото“, рече Блинкен.

Пред да го напушти состанокот Лавров двапати излезе од салата, и тоа кога на говорницата беше Аналена Бербок и непосредно пред обраќањето на украинскиот министер за надворешни работи Дмитри Кулеба.

Една од целите на денешниот состанок беше поставување основа за ноемврискиот Самит на Г-20 на кој домаќин ќе биде Индонезија.

Русија и натаму е членка на Г-20 независно санкциите што Запад ги воведе против неа поради војната во Украина, но САД и нивните сојузници најавија дека ќе го бојкотираат престојниот Самит доколку на него биде повикан рускиот претседател Владимир Путин.

Украина не е членка на Групата, но нејзиниот претседател Володимир Зеленски е повикан да присуствува на престојниот Самит. Зеленски рече дека нема да патува во Индонезија доколку дотогаш војната не заврши.

Министерскиот состанок на Г-20 започна само неколку часа по поднесената оставка на британскиот премиер Борис Џонсон, по што британската министерка за надворешни работи Лиз Трус го напушти состанокот, а за време на состанокот се случи и нападот врз поранешниот јапонски премиер Шинзо Абе кој подоцна им подлегна на повредите.

Членки на Г-20 се САД, Русија, Кина, Велика Британија, Германија, Франција, Италија, Турција, Канада, Мексико, Бразил, Аргентина, Индија, Јапонија, Јужна Кореја, Австралија, Индонезија, Саудиска Арабија, Јужна Африка и Европска унија. Тие имаат удел од 80 проценти во светската економија и сочинуваат околу две третини од светската популација.

Извор: МИА

Би можело да ве интересира

Русија утре и формално ќе ги анектира четирите украински региони

А1он

САД: Договорот на Србија со Русија е изненадувачки и чекор во погрешна насока

А1он

САД ги повика американските граѓани веднаш да ја напуштат Русија

Русија нема да издава пасоши на државјани кои добиле повик за мобилизација

А1он

Лавина од реакции по потпишувањето на протоколот со Русија: Ова е обид да се дисциплинира Србија

А1он

(ВИДЕО) Полицијата во Русија приведе возрасна жена: Мобилизирајте ги сите ако ви треба топовско месо

А1он