Меѓународното признавање на Крим, самопрогласената Донецка Народна Република, самопрогласената Луганска Народна Република, Херсонската и Запорошката област како руски е императив за решавање на конфликтот меѓу Русија и Украина, изјави денес рускиот министер за надворешни работи Сергеј Лавров.
– Сите обврски на Киев мора да бидат правно обезбедени, да имаат механизми за спроведување и да бидат неограничени по природа, рече Лавров во интервју за бразилскиот весник „О Глобо“.
Според него, ставот на Руската Федерација за украинското решение е добро познат.