Компанијата „Спејс икс“ на Илон Маск, основач на производителот на електрични автомобили „Тесла“, ја лансира супер тешката ракета-носач „Фалкон хеви“ од вселенскиот центар Кенеди, јави допиникот на МИА од Вашингтон.
„Фалкон хеви“ е досега најголемата конструирана ракета со најмалку двапати повеќе носивост од другите слични ракети. Така на пример, таа може да подигне товар со тежина од 64 тони, додека руската Протон-М, која е во редовна употреба, има носивост од 23 тони.