Германската министерка за одбрана Кристин Ламбрехт денеска изјави дека сериозно треба да се сфати нуклеарната закана од рускиот претседател Владимир Путин.
– Доживеавме да видиме дека Владимир Путин е непресметлив. Поради тоа мораме да бидеме внимателни, изјави Ламбрехт за „Дојчландфунк“ (Deutschlandfunk).
Таа додаде дека Путин очекувал брз напредок на руската армија во Украина и оти сега мора да дејствува.
– Поради тоа сега имаме закана, посочи Ламбрехт.
Путин вчера ја зголеми борбената готовност на руските сили за одвраќање, меѓу кои е и нуклеарното оружје.