Критична е ситуацијата во преговорите на средбата на врвот на ЕУ по барањата на Британија за реформа на Унијата и за избегнување т.н. Брекзит, јави Тасс.
Попладневната седница беше презакажана за вечерва. На европските лидери им е препорачано да резервираат хотели и за оваа ноќ. Тоа наведува дека разговорите може да продолжат до сабота ако до вечерва лидерите не постигнат договор, наведуваат извори од Брисел цитирани од Тасс.
По 24 часа интензивни преговори за Велика Британија се уште нема напредок. Западни медиуми јавуваат дека европските лидери се очекува да постигнат договор вечерва.
Британскиот премиер Дејвид Камерон изјави дека ќе потпише договор само ако Британија го добие она за што има потреба.
Истовремено, Грција упати закани дека ќе блокира каков било договор со Камерон доколку европските партнери затворат свои граници пред датумот на следната средба на врвот ЕУ-Турција, планирана за март.