Кремљ повторно одговори на изјавата на американскиот претседател Доналд Трамп за скратување на ултиматумот даден на Русија за решавање на украинската криза.
Како што денес им изјави на новинарите портпаролот на рускиот претседател, Дмитриј Песков, Кремљ „регистрира нови изјави од американскиот претседател Доналд Трамп“.
„Русија разви имунитет на санкции, економијата долго време работи со огромен број ограничувања“, нагласи тој.
„Рокот за решавање на украинското прашање, според Трамп, истекува за 10 дена, почнувајќи од денес“, изјави во вторник американскиот претседател Доналд Трамп.
Според него, САД сакаат да постигнат договор со Русија за Украина во рок од 10 дена, а доколку тоа не се случи, Вашингтон ќе воведе царини за увоз.