Истанбул се разгледува како можно место за следната рунда разговори меѓу Русија и Украина, изјави денес портпаролот на Кремљ, Дмитриј Песков.
„Секако, секако“, изјави Песков пред новинарите кога беше прашан за тоа, објави РИА Новости.
Портпаролот на Кремљ, исто така, најави размена на нацрт-меморандум со Украина, со предлози за прекин на огнот и можен иден мировен договор.
„Работата е во завршна фаза, овој документ ќе се појави наскоро“, изјави Песков пред новинарите кога беше прашан за рускиот нацрт-меморандум, објави Интерфакс.
Тој нагласи дека Кремљ нема да ја открие содржината на рускиот нацрт-меморандум за украинското решение.