Кремљ ги отфрли обвинувањата на Вашингтон за мешање во претседателските избори во САД

Од:

Обвинувањата на американските претставници за мешање на Москва во претседателските избори во Соединетите Американски Држави се бесмислени, изјави портпаролот на рускиот претседател Дмитриј Песков.

– Ова не е првпат Русија да биде обвинета за мешање во американските избори, се разбира, ние не се мешаме – рече Песков во одговор на Вашингтон пост, пренесува Ал Џезира.

Коментирајќи ги американските ограничувања за руските медиуми претходно оваа недела, Песков рече дека на Американците не им се допаѓа вистината.

– Нашите медиуми едноставно ја пренесуваат вистината, но, за жал, на Американците не им се допаѓа вистината што им е непријатна и веднаш преземаат репресивни мерки – додаде портпаролот на претседателот на Русија.

Министерството за финансии на САД во средата ја објави одлуката за додавање на рускиот телевизиски канал РТ и неговата главна уредничка Маргарита Симонјан на листата на санкции.

Покрај нив, на црната листа се најдоа и уредникот на информативната програма на РТ Андреј Кијашко, раководителот на секторот за проекти за дигитални медиуми Константин Калашников и голем број други вработени во ТВ каналот.

Висок претставник на американското разузнавање во петокот рече дека Русија е најактивниот странски противник кој се обидува да влијае на претседателските избори во САД на 5 ноември, додека Кина е повеќе фокусирана на кандидати од пониско ниво.

Би можело да ве интересира

ВИДЕО: Истанбул повторно се тресе, повеќе од сто земјотреси, стотици повредени

Предраг Петровиќ

Белата куќа: Трпението на Трамп за Украина е при крај

Трамп со ултиматум до Зеленски: Избери мир или изгуби ја целата држава

Пропадна мировниот договор, Зеленски го отфрли клучниот услов на Трамп

САД со порака до Русија и Украина: Време е или да кажат „да“ или се повлекуваме од овој процес

Зеленски: Русија краде кинеска технологија за смртоносни дронови