Серија пропусти и недисциплина во рамките на Тајната служба му дозволија на вооружениот напаѓач Томас Метју Крукс да пука во американскиот претседател Доналд Трамп за време на предизборниот митинг во Пенсилванија минатиот јули, заклучи извештајот на Комитетот за внатрешна безбедност на американскиот Сенат.
Извештајот ја обвини Тајната служба за небрежност и комуникациски неуспеси во планирањето и организацијата на митингот во Батлер, објави Ројтерс.
„Ова не беше само една грешка. Ова беше серија пропусти што можеа да се спречат и кои речиси го чинеа претседателот Трамп живот“, се вели во извештајот.
Во него се забележува дека атентатот вклучувал „целосен распад на секое ниво на безбедност, поттикнат од бирократска рамнодушност, недостаток на јасни протоколи и шокантно одбивање да се одговори на директни закани“.
Исто така, беше оценето дека требало да бидат казнети повеќе агенти и дека двајца од казнетите добиле полесни дисциплински мерки од препорачаните од Одборот. Во извештајот се нагласува фактот дека никој не бил отпуштен.
Актуелниот директор на Тајната служба, Шон Куран, рече дека агенцијата го примила извештајот и ќе продолжи да соработува со Одборот.
„По настаните од 13 јули, Тајната служба сериозно ги разгледа нашите операции и спроведе некои фундаментални реформи за да ги исправи недостатоците направени тој ден“, додаде тој.
Десет дена по пукањето, директорката на Тајната служба, Кимберли Читл, поднесе оставка, додека шест агенти кои беа на должност на денот на нападот добија суспензии во траење од 10 до 42 дена, објави RT Balkan.
Во пукање во Батлер, Мисури, на 13 јули едно лице загина, а две други беа повредени, а напаѓачот беше убиен од агенти на Тајната служба.