Ќерката на поранешниот ирански претседател Акбар Хашеми Рафсанџани денеска е ослободена од затворот во Техеран, откако издржа шестмесечна казна поради пропаганда против власта, изјави адвокатот на Фаезех Хашеми.
Фаезех беше уапсена заедно со стотици други демонстранти за време на протестите во 2009 година против реизборот на шефот на државата Махмуд Ахмадинеџад, кој опозицијата го смета за фалсификуван.
Таа беше осудена за пропаганда против режимот и призна дека е виновна во 2011 година, но издржувањето на казната започна една година подоцна.
Против нејзиниот брат, Мехди Хашеми, исто така се води судски процес под обвинение дека претставувал закана за националната безбедност за време на протестите во 2009 година.