Кинезите први се договорија со талибанците за нафтата

Од:

Талибанските власти потпишаа договор со кинеска компанија за извлекување нафта од басенот Аму Дарја во северен Авганистан, објави Си-Ен-Ен.

Договорот е потпишан со кинеската компанија „Ксинџијанг Централна Азија Оил и Гас“ и тоа е прв голем меѓународен договор со Талибанците за екстракција на нафта откако тие ја презедоа власта во Авганистан во август 2021 година.

Договорот е потпишан во Кабул во присуство на заменик-премиерот за економски односи на Талибанците, Абдул Гани Барадар и на кинескиот амбасадор во Авганистан, Ванг Јуе, се наведува во соопштението на талибанската влада.

Барадар рече дека договорот е во најдобар интерес на Авганистан и додаде дека ќе ја зајакне економијата на земјата.

„Кога станува збор за природните ресурси, Авганистан е богата нација. Освен различните минерали, нафтата е богатството на авганистанскиот народ на кое земјата може да се потпре“, рече Барадар.

Според договорот, кинеската компанија ќе инвестира до 150 милиони долари годишно, што ќе се зголеми на 540 милиони за три години.

„Овој проект ќе обезбеди работа за 3.000 Авганистанци“, се вели во соопштението на Талибанците. Досега ниту една земја официјално не ги признала талибанците, но Кина има значителни инвестиции во регионот.

Би можело да ве интересира

Доларот зајакна, цената на нафтата падна

Цените на нафтата благо пораснаа

Во и поплавите во Авганистан загинаа најмалку 50 лица

Тројца шпански туристи загинаа во Авганистан

Горан Наумовски

Цените на нафтата пораснаа, неизвесната ситуација на Блискиот Исток ја зголемува загриженоста

Катерина Ѓуровски

Цените на нафтата пораснаа, доларот нагло падна