Кинеското Министерство за индустрија и информациска технологија денеска нареди темелна проверка на безбедноста и сите безбедносни ризици на работните места на национално ниво, пет дена по експлозијата во складиште во Тјенцин во која загинаа 114 луѓе додека уште 70 луѓе (64 пожарникари и шест полицајци) се водат како исчезнати.
Истовремено, обвинители добија задолженија да истражат можно занемарување на обврските или злоупотреба на моќ што можело да придонесе за експлозиите во Тјенцин.
Кинескиот премиер Ли Кечијанг истакна дека несреќата во Тјенцин мора темелно да се истражи и одговорните за неа мора да бидат изведени пред суд бидејќи „мора да дадат одговори на семејствата на жртвите, сите жители на Тјенцин и на сите Кинези и историјата“.