Кинески хакери упаднале во компјутерските мрежи на американска владина агенција, која ги чува личните податоци на сите федерални службеници, пишува весникот „Њујорк тајмс“.
Според весникот, кој се повикува на високи американски претставници, најверојатно хакерите ги зеле на мета податоците на десетици илјади службеници, кои работеле со строго доверливи информации.
Хакерите во март добиле пристап до некои од базите на податоци на Службата за управување на персоналот, пред федералните власти да ја пресретнат заканата и да им попречат на дејствијата.
Засега не е јасно како хакерите упаднале во системите на агенцијата, наведува „Њујорк тајмс“.