Кина почна со воени вежби во Јужното Кинеско Море, јавија денеска кинески државни медиуми пред одлуката на меѓународен арбитражен суд за спорот со Филипини поради територијални права над тие стратешки води.
Кинеската морнарица од синоќа извршува борбени вежби со ракети меѓу Парацелските Острови и јужниот кинески остров Хајан. Државната телевизија објави инсерти од воени авиони и бродови како испукуваат ракети, хеликоптери како полетуваат и подморници.
– Вежбите се фокусирани на операции за воздушна контрола, борби на море и противподморнички акции, е објавено на сајтот на кинеската армија.
Во вторник Постојаниот арбитражен суд во Хаг треба да донесе одлука за територијалниот спор меѓу Филипини и Кина.