Кина денеска предупреди дека ќе преземе контрамерки како одговор на планот на Велика Британија за воспоставување на британската национална регулатива за надворешни работи и ја повика Велика Британија да престане да се меша во работите на Специјалниот кинески административен регион на Хонг Конг, соопшти кинеската медиумска група (ЦМГ).
– Ако Велика Британија, игнорирајќи го силното спротивставување на кинеската страна, им дозволи на кинеските граѓани кои престојуваат во Хонг Конг да добијат британско државјанство, тоа би претставувало кршење на меѓународното право и основните норми на меѓународните односи. Во исто време, Велика Британија би го прекршила своето сопствено ветување, изјави Лиу Сијаоминг, амбасадор на Кина во Велика Британија.
Работите на Хонг Конг се внатрешни работи на Кина, истакна амбасадорот и, како што додаде, тие не вклучуваат никакво надворешно мешање на кој било начин.
– Кина цврсто ќе го заштити националниот суверенитет, безбедноста и развојниот интерес, рече Лиу, пренесува ЦМГ.
Британските власти претходно соопштија дека „ако Кина воведе закон за национална безбедност за Хонг Конг“, Велика Британија ќе им овозможи на имателите на британски странски пасоши (БНО) да останат во земјата 12 месеци, со можност за обновување и право на работа, што ја отвора можноста за добивање на британско државјанство.