Кина денеска побара од сите страни смиреност и воздржаност откако Северна Кореја соопшти дека извела успешно тестирање на балистичка ракета со среден дострел.
Портпаролката на кинеското Министерство за внатрешни работи Хиа Чунјинг повтори дека Кина е против ракетните активности на Северна Кореја, кои не се во согласност со резолуциите на Обединети нации.
Северна Кореја потврди дека лансира балистичка ракета со среден дострел, истакнувајќи дека оружјето е подготвено за воена акција.
Севернокорејската новинска агенција (КЦНА) објави дека лидерот Ким Џонг-ун го набљудувал вчерашното лансирање на ракетата и „одобрил распоредување на овој систем на оружје за акција“.
Советот за безбедност на ОН утре зад затворени врати ќе разговара за најновата ракетна проба на Северна Кореја. Седницата е закажана на барање на САД, Јапонија и на Јужна Кореја.
Армијата на Јужна Кореја вчера соопшти дека ракетата прелетала околу 500 километри, достигнала висина од 560 километри и паднала во море во близина на источниот брег на Северна Кореја.