Севернокорејскиот лидер, Ким Џонг-ун, пристигна во Пекинг на ненајавената средба, по покана од кинескиот претседател, Си Џинпинг.
Според неофицијални извори на јужнокорејската агенција „Јонхап“, тие разговарале околу еден час за начините за усогласување на нивните ставови пред претстојниот самит помеѓу Ким и претседателот на САД, Доналд Трамп.
Исто така, се верува и дека разговарале за зајакнувањето на меѓусебните врски во период кога и двете држави ја одбележуваат 70-годишнината од дипломатските односи.
Севернокорејските и кинеските медиуми сè уште не известиле за средбата, се вели во соопштението од агенцијата.
Според севернокорејските медиуми, Ким пристигнал во Пекинг со специјален воз во утринските часови, во придружба на неговата сопруга Ри Сол Ју.
Се верува дека по завршетокот на самитот, Ким и неговата сопруга присуствувале на свечена вечера организирана од Си, а медиумите забележаа дека оваа средба е за време на 35. роденден на Ким.