Севернокорејскиот лидер Ким Џонг-ун изјави дека Северна Кореја планира да лансира уште сателити, како и дека вселенските истражувања и се стратешка цел, јави Танјуг.
– Освојувањето на вселената е… жестока борба против непријателските сили, кои настојуваат да ни го узурпираат мирот и суверенитетот, рече Ким во средата на свеченото доделување на наградите на учесниците во лансирањето сателит претходно овој месец, за што Западот смета дека всушност било тестирање на балистичка ракета.
Нарекувајќи ги научниците, кои биле ангажирани во лансирањето на 7 февруари „најдобри патриоти и херои вредни за восхит“, Ким им врачи медали и рачни часовници со изгравирани имиња на починатите лидери на династијата Ким Ил-сунг и Ким Џонг-ил.
Северна Кореја предизвика загриженост на меѓународната заедница кога лансираше, како што тврди сателит во орбитата, само еден месец откако ја изврши четвртата нуклеарна проба.