Во изминатите 24 часа убиени се 14 украински војници, а 173 се повредени во судири со проруските сили во Источна Украина, изјави извор од украинската армија.
Киев повлече околу две илјади војници во средата од стратешкиот град Дебалцево, по жестоки напади на проруските сили, иако прекинот на огнот стапи во сила на 15 февруари, пренесува БТА.
Украинскиот претседател Петро Порошенко претходно се заложи за меѓународна мировна мисија под мандат на ОН, што ќе биде задолжена за набљудување на спроведувањето на договорот за прекин на огнот во Источна Украина.
Рускиот амбасадот во ОН Виталиј Чуркин денеска изјави дека украинскиот повик за мировници на ОН во зоната на конфликт има за цел уништување на договорот од Минск.
Во конфликтот во Украина, што почна во април минатата година досега животот го загубија над 5.600 лица.