Американскиот државен секретар Џон Кери вети 47 милиони долари хуманитарна помош за цивилното население во Појасот Газа, што е главна жртва на конфликтот меѓу Израел и исламистичкото движење Хамас.
Кери е во посета на Каиро со цел да помогне во напорите за прекин на огнот меѓу исламистичкото движење Хамас и Израел во Појасот Газа.
САД ќе доделат 15 милиони долари на Агенцијата на ОН за помош на палестинските бегалци, што упати повик за донации, објавувајќи дека се неопходни 60 милиони долари за справување со кризата. Останатите 32 милиони долари ќе бидат обезбедени од Американската агенција за меѓународен развој, објави американскиот Стејт департмент.