Американскиот државен секретар Џон Кери говорот на иранскиот верски лидер Али Хамнеи во саботата, во кој најави дека ќе и пркоси на американската политика во регионот наспроти нуклеарниот договор со светските сили, го оцени како многу вознемирувачки.
– Не знам како тоа да го толкувам во овој момент, освен да го прифатам здраво за готово, бидејќи тоа е негова политика, изјави Кери за саудиската телевизија Ал Арабија.
Хамнеи минатата недела пред следбеници во џамија изјави дека американската политика во регионот се разликува за 180 степени од ирнската. – Дури и по овој договор, нашата политика кон арогантните САД, нема да биде променета, нагласи Хамнеи.