Казахстанскиот претседател вети заштита на Русите кои бегаат од мобилизацијата

Од:

Претседателот на Казахстан Касим-Жомарт Токаев денеска даде уверување дека неговата земја ќе ги заштити Русите кои бегаат во Казахстан за да ја избегнат моменталната мобилизација во Русија.

dobivaj vesti na viber

„Последниве денови многу луѓе доаѓаат кај нас од Русија. Повеќето се принудени да заминат поради безизлезната ситуација. Треба да се грижиме за нив и да се погрижиме да бидат безбедни“, рече Токаев кој е сојузник на Москва, но се огради од Кремљ од почетокот на руската офанзива во Украина.

Казахстанскиот претседател истовремено повторно го осуди конфликтот во Украина и повика на почитување на територијалниот интегритет, во мигови кога Русија организира референдуми за припојување четири украински региони.

„Територијалниот интегритет на државата треба да биде неотуѓив, тоа е клучен принцип. Во нашето непосредно соседство се води голема војна. Треба да го запомниме тоа, мислејќи пред се на нашата безбедност“, рече Токаев.

Поранешната советска република во Централна Азија е сојузник на Русија и членка на економската и царинската унија со Русија, а исто така има добри односи со Западот и со Кина.Руската офанзива во Украина го разбуди стравот кај некои во Казахстан дека и тој би можел да стане цел на руските амбиции, пред се поради долгата граница со Русија и бројното руско малцинство.

Извор: МИА

Би можело да ве интересира

Русија: Украинците ослободија девет наши затвореници

Ана Ололовска

Њујорк тајмс: Голем број хаубици од западни држави вон употреба во Украина

Ана Ололовска

ВИДЕО: Објавена снимка од руските напади во Днепар

Ана Ололовска

Во Киев 130.000 граѓани се уште се без струја по руските напади

Ана Ололовска

Херсон повторно има струја

Ана Ололовска

(ВИДЕО) Столтенберг: Путин не е во состојба да го постигне тоа што го сака во Украина, затоа станува се побрутален

Ана Ололовска