Каталонците излегоа на демонстрации на петгодишнината од референдумот за независност

Од:

Илјадници Каталонци синоќа повторно излегоа на протест за одвојување на оваа покраина од Шпанија, на денот кога пред пет години беше организиран референдумот за независност на Каталонија.

dobivaj vesti na viber

Сепаратистите синоќа се собраа во центарот на Барселона и, меѓу другото, побараа и оставка од регионалната влада на премиерот Пере Арагонес, која, според нив, премногу колебливо се однесува во исполнување на предизборното ветување за формирање независна каталонска република.

Според проценките на полицијата, на протестот учествувале околу 11.000 лица.

Претседателката на сепаратистичкото граѓанско движење ANC, Долорес Фелиу, го повика Арагонес да претстави „план за постигнување независност“.

-Ако политичарите не можат да го направат тоа, ние ќе го направиме. Тие нема да можат да не спречат, рече таа.

Во меѓувреме, Арагонес соопшти дека неговата коалициска влада сè уште се залага за независност, но дека сака да обезбеди референдум во договор со централната влада.

-Одржавме референдум ( на 1 октомври 2017 година) и ќе ја натераме Каталонија повторно да гласа, тврди тој.

„Ќе го направиме тоа повторно, бидејќи многумина од нас сакаат Каталонија да биде слободна земја“, наведе Арагонес.

Шпанската влада во Мадрид го отфрла референдумот. Населението на Каталонија е поделено. Според анкетите, околу половина од населението сака независност, додека останатите не.

Пред пет години на 1 октомври, сепаратистичката регионална влада одржа референдум за отцепување што Мадрид го прогласи за незаконски. Како резултат на тоа, централната влада ја стави Каталонија под своја управа.

Тогашниот регионален шеф на владата, Карлес Пуџдемонт и некои негови колеги побегнаа во странство. Други сепаратисти беа осудени на долги затворски казни, но во 2021 година беа помилувани.

Извор: МИА

Би можело да ве интересира

Гави трет најмлад стрелец во историјата на СП

Каталонија воведува ограничувања на водата поради сушата

Шпански полицајци во Украина ќе помагаат во истрагите за воени злосторства

А1он

Франција и Шпанија забрануваат продажба на бензински и дизел возила по 2035 година

А1он

Заедничка мисија на бугарски и шпански воени авиони за заштита на воздушниот простор

А1он

Во Мадрид околу 200.000 луѓе против реформата на здравствениот систем