Венецуела официјално побара воена помош од Русија, вклучително и поправка на борбените авиони „Сухој“, надградба на радарските системи и испорака на ракетни системи, потврди портпаролката на руското Министерство за надворешни работи, Марија Захарова.
Захарова изјави дека Москва е подготвена да одговори на барањата на Каракас, но во исто време ги повика сите страни да избегнуваат понатамошно зголемување на тензиите во регионот.
Барањето на венецуелскиот претседател Николас Мадуро беше испратено до Русија по, како што тврди Каракас, „растечките закани од Вашингтон“.
Венецуелската влада со месеци предупредува за значително зголемување на американското воено присуство на Карибите, кое го смета за закана за сопствената безбедност.
Според информациите од Каракас, побараната поддршка вклучува техничко одржување на руските борбени авиони „Сухој“, модернизација на постојните радарски капацитети и набавка на нови ракетни системи.