Капетанот на бродот Коста Конкордија, Франческо Скетино против кого се води судска постапка поради бродоломот во кој во 2012 година загинаа 32 лица, изјави дека не сметал дека е потребно да нареди итна евакуација на патниците од тој луксузен брод.
Скетино на судењето рекол дека како капетан на бродот и како „втор човек по Господ“ на бродот, бил против рана евакуација на патниците, бидејќи сакал пловилото да го донесе што поблиску до брегот.
Во хаосот кој завладеал голем број патници скокнале во водите, а само дел од чамците за спасување бил употребени за евакуација.
На судењето преживеаните патници сведочеа за хаосот и задоцнетата евакуација, а Скетино е обвинет и за напуштање на бродот, на кој имало уште голем број патници и членови на екипажот, како и за предизвикување на несреќата.
За потсетување несреќата се случи во јануари 2012 година, кај островот Ѓиљо во Италија.
Е. Г.