Неидентификуван маж на мотоцикл изврши самоубиствен напад врз полициска станица во централна Индонезија, пренесоа американските медиуми.
Според началникот на полицијата, мажот се обидувал да влезе во станицата во градот Посо, во провинцијата Централно Сулавеси, кога бомбата експлодирала, убивајќи го на место.
Од експлозијата бил ранет еден градежен работник, кој бил во близина, а нема убиени полицајци.
Бомбата експлодирала во близина на џамијата на станицата, посочи полицијата.
Посо има историја исполнета со насилство забележаа американските медиуми. Во конфликтот меѓу тамошните муслимани и христијани во периодот меѓу 1998 и 2002 година беа убиени минимум 1.000 лица.