Демократите од Сенатот на Калифорнија апелираат до пензиските фондови на државните службеници, кои располагаат со милијарди долари, да престанат да инвестираат во Русија поради кршењето на правата на хомосексуалците.
Со предлог-резолуцијата се повикуваат пензиските фондови на државните службеници и на учителите да ги стопираат инвестициите во Русија се до решавање на проблемот.
Калифорнискиот пензиски фонд на државни службеници е најголем фонд во САД. Тој има инвестирано 266 милијарди во светот, од кои 12,4 милијарди долари во Русија.
Предлог-резолуцијата нема обврзувачки карактер. Таа е во знак на протест поради забраната истополови двојки да не можат да посвојуваат деца и против законот со кој се забранува рекламирање на хомосексуалноста на јавни места во Русија.
Со резолуцијата се бара од Меѓународниот олимписки комитет писмена гаранција дека геј спортистите на Зимската олимпијата во Сочи нема да бидат засегнати од рускиот закон за забрана на хомосексуалната пропаганда.