Високата претставничка на Европската Унија за надворешни работи и безбедносна политика, Каја Калас, денес изјави дека критиките кон слободите во Европската Унија се неосновани и дека ваквите прашања треба да бидат насочени кон земјите каде што граѓанските слободи се навистина ограничени.
„Европската Унија е самата суштина на слободата“, рече Калас.
Според Калас, критиките кон наводните ограничувања на слободите треба да бидат насочени во друга насока.
„Можеби кон Русија, каде што дисидентството е забрането, каде што се забранети слободните медиуми, политичката опозиција, па дури и платформите како X“, рече Калас.