Високиот претставник на ЕУ за надворешни работи и безбедносна политика, Каја Калас, денес изјави дека Брисел подготвува нов пакет санкции против Русија и рече дека сојузниците на Кремљ можат да сметаат на тоа.
– Јули беше најсмртоносниот месец за украинските цивили. Русија не победува на бојното поле и затоа сè повеќе насочува ракети кон украинските цивили и инфраструктура. Ова е систематски терор. Русија сака да ги направи украинските градови непогодни за живеење, рече Калас, објави германскиот весник „Велт“.
Таа ја осуди Русија за напад на бродови натоварени со жито во Црното Море и со тоа загрозување на глобалните залихи на храна.
Таа оцени дека Русија ги почувствувала санкциите на ЕУ кои веќе ја чинеа руската воена машина повеќе од милијарда евра и најави нови санкции.
– На есен ќе предложам најсеопфатен список на санкции од почетокот на војната. Доколку се усвои, бројот на санкционирани руски поединци, компании и организации веднаш ќе се зголеми за една третина. Притисокот мора да се засили сè додека Русија не ја заврши војната, рече Калас.