Јорданската полиција ја затвори главната канцеларија на „Муслиманско братство“, најголемата опозициска партија во Јордан, пренесуваат британските медиуми.
– Полицијата, дејствувајќи според наредба на гувернерот на Аман, ги извади луѓето надвор и ја запечати зградата, без да даде објаснување за причината, за британските медиуми изјави еден од лидерите на движењето Џабил Абу Бакр.
Правник од организацијата, цитиран од француските медиуми, информира дека силите за безбедност ги претресла просториите, пред да го запечатат влезот.
Организацијата „Муслиманско братство“ е основана во 1928 година во Египет, а веќе една деценија има легални активности во Јордан и има сериозна јавна поддршка во големите градови.