Јордан денеска во седиштето на Обединетите нации во Њујорк подели изменета нацрт резолуција со која се повикува на оддржлив прекин на огнот во Газа и се осудува „сето насилство и непријателства против цивилите“.
Новиот амбасадор на Јордан во ОН, Дина Кавар, изјави дела оваа нацрт резолуција е поднесена денеска во Советот за безбедност во форма што може да биде дадена на гласање.
-Ние се консултираме со сите членки на Советот и се надеваме дека за ден или два ќе имаме резултат, изјави амбасадорката.
Нацрт резолуцијата повикува на отворање на граничните премини во Газа и апелира до ОН да се воспостави механизам за надгледување на примената на договорот за прекин на огнот.
Во текстот не се споменува Хамас, ниту ракетирањето на Израел, што значи дека САД тешко ќе одобрат таква резолуција, наведуваат американските медиуми.