Уствниот суд на Индонезија денеска ја отфрли тужбата за лажирање на изборите на еден од двајцата претседателски кандидати Прабово Субианто.
Тоа е конечна одлука со која дефинитивно e потврдено дека досегашниот гувернер на Џакарта, Јоко Видодо е победник на претседателските избори одржани на 9 јули.
Новиот претседател на Индонезија должноста ќе ја преземе на 23 октомври. Индонезиската и поголем дел на меѓународната јавност сметаат дека Јоко Видодо ќе биде човекот кој Индонезија дефинитивно ќе ја изведе на пат на вистинска демократија и ќе создаде економски моќна држава.
Бидејки се очекуваат протести на симпатизерите на поразениот кандидат Субианто, силите зе безбедност во Џакарта се зајакнати со 50.000 полицајци и припадници на армијата.