Властите во Јемен постигнаа договор со припадниците на шиитското движење Хоута, кои со недели простестираа во главниот град Сана, изјави денеска извор близок до јеменското претседателство.
– Договорот е постигната доцна синоќа, рече истиот извор и прецизираше дека врз основа на него во рок од 48 часа ќе биде именуван нов премиер, а цените на горивото ќе бидат намалени.
Припадниците на шиитското движење за возврат се согласија да ги остранат своите протестни кампови, кои со недели беа поставени во Сана и да ги повлечат своите вооружени припадници од престолнината.
Во Сана со недели траеја протестите на приврзаниците на шиитското движење, кои се судираа со полицијата и бараа оставка на Владата и повторно воведување на субвенции за гориво.