Украинскиот заменик министер за здравство Олексеј Јаременко денеска изјави дека ситуацијата во Украина е многу тешка и оти руските сили продолжуваат да гранатираат станбени региони и болници.
– Во некои региони хуманитарните коридори не функционираат. Не можеме да однесеме лекови, вода и храна во градовите, посебно во Мариупол и Чернихив, посочи Јаременко.
Тој додаде дека Украина досега примила повеќе од 2.600 тони лекови и медицинска опрема, но оти има потреба за повеќе.
Јаременко посочи дека во изминатите 36 дена не се доставени лекови во Мариупол.
– Всушност, немаме јасна слика колку е тешка хуманитарната криза таму, но таа беше критична во последните неколку недели, истакна Јаременко.
Извор: МИА