Јапонското население се намалило за рекордни 898.000 во изминатата година, на 120,3 милиони во октомври, објави денеска владата во Токио.
Вкупното население на Јапонија, вклучувајќи ги и странските државјани, исто така се намалило за 550.000 на 123,8 милиони на 1 октомври минатата година, што претставува 14-та последователна година на намалување на населението, соопшти Министерството за внатрешни работи и комуникации.
Во исто време, бројот на деца под 14-годишна возраст се намали за 343.000 на 13,83 милиони, што претставува рекордно ниско ниво од 11,2 отсто од вкупното население, пишува Kyodo.
Спротивно на тоа, бројот на лица над 65 години се зголеми за 17.000 на 36,24 милиони, достигнувајќи рекордни 29,3 отсто. Бројот на работоспособни луѓе, или луѓе на возраст меѓу 15 и 64 години, се намалил за 224.000 на 73,73 милиони, што претставува 59,6 отсто од вкупното население на земјата, според проценката на јапонската влада.