Русија наскоро нема да биде еден од главните украински трговски партнери и Украина успеа да ја намали зависноста од рускиот природен гас, изјави украинскиот премиер Арсениј Јацењук.
Тој истакна дека трговската размена со Русија е двојно намалена и оти таквата тенденција ќе продолжи.
– Украина успеа да ја намали зависноста од рускиот гас и Киев во моментот задоволува 60 проценти од своите потреби за гас од европските партнетри, посочи Јацењук.
Тој додаде дека Украина заштедила до една милијарда долари на разликата меѓу цената на рускиот и европскиот гас.