Најмалку 30 палестински лица загинаа во Рафа, откако претходно Нетанјаху изјави дека побарал од израелската армија да подготви план за евакуација на стотици илјади луѓе од Газа.
Израелската армија секојдневно бомбардира во Рафа, каде се наоѓаат голем дел од жителите на Газа кои биле протерани од своите домови.
Хамас пак, предупредува дека израелските напади врз Рафа може да резултираат со десетици илјади жртви. Тие предупредуваат на масовни убиства, повредени и голема катастрофа.
И Германија и Саудиска Арабија апелираа Израел да не започнува офанзива во Рафа, бидејќи тоа ќе доведе до „хуманитарна катастрофа“.
Претседателот на Генералното собрание на Обединетите нации, Денис Френсис синоќа изјави дека е вџашен од планираната израелска воена офанзива врз градот Рафа во јужниот дел на Појасот Газа. Тој во име ОН ги повтори молбите за прекинување на огнот и почитување на хуманитарното право на слобода.