Припадници на израелската погранична полиција убија денеска Палестинец кој им заканувал со нож, соопшти полицијата.
Портпаролката на полицијата Луба Самри изјави дека 18-годишниот Палестинец се симнал од автобус во северен Ерусалим и се приближил кон полицајците, кои се наоѓале таму, однесувајќи се сомнително.
Таа додаде дека кога полицајците му наредиле да застане, тој извадил нож и почнал да им се заканува. Тие отвориле оган кон него и го убиле.
Палестинското Министерство за здравство потврди дека тинејџерот бил убиен, но не го откри неговиот идентитет.