„Овој ужас мора да престане“ – Итна седница на Советот за безбедност на ОН по нападот на Израел на Рафа

Од:

Советот за безбедност на Обединетите нации (СББ) денеска ќе одржи итна седница поради израелскиот воздушен напад што го погоди кампот за раселени лица во градот Рафа на југот од Појасот Газа и во кој, според Министерството за здравство во Појасот Газа, загинаа 45 лица.

Седницата ја побара Алжир, а ќе се одржи во 15 часот и 30 минути по њујоршко време, изјави за Си-Ен-Ен неименуван дипломат на ОН.

Генералниот секретар на ОН Антонио Гутереш го осуди нападот извршен од израелската армија во неделата.

„Нема безбедно место во Газа. Овој ужас мора да престане“, рече Гутереш.

Израелскиот премиер Бенјамин Нетанјаху рече дека нападот немал намера да предизвика цивилни жртви и дека инцидентот ќе биде истражен.

„Веќе евакуиравме околу милион цивили од Рафах и, и покрај нашите најдобри напори да не им наштетиме, за жал, се случи трагична грешка“, рече Нетанјаху.

Израелските одбранбени сили (ИД) претходно објавија дека извршиле прецизен напад врз комплексот на Хамас во градот Рафах, каде што се собирале високи претставници на палестинската милитантна група.

Министрите за надворешни работи на ЕУ одржаа разговори во Брисел со дипломати од Саудиска Арабија, Јордан, Египет, Обединетите Арапски Емирати и Катар како дел од дипломатските напори за решение за две држави по војната меѓу Израел и Хамас во Газа.

Шефот за надворешна политика и безбедност на ЕУ, Жозеп Борел, рече дека двете страни ќе разгледаат дали би можеле да ги комбинираат нивните напори за формирање заедничка конференција за тоа како да се спроведе решението за две држави.

Би можело да ве интересира

Руско-израелски новинар доби забрана за влез во Србија: „Ми дадоа документ дека сум безбедносен ризик“

A1on

Германската влада крие информации за оружје и воени злосторства во Газа

Бени Ганц, член на воениот кабинет на Нетанјаху, најави оставка

A1on

Во Израел се одржаа демонстрации за ослободување на заложниците, уапсени 33 лица во Тел Авив

Америка до Израел: Ако е вистина дека се убиени 14 деца, тие не се терористи

Орце Костов

ВИДЕО: Израел нападна училиште на ОН во Газа, 27 мртви